06 авг 08:26
Янгиликлар

Бокс/ММА

Сегей Ковалёв: “Қўлқопларни михга иладиган фурсат келди, чоғи”

Профессионал бокснинг ярим оғир вазн тоифасида эндиликда собиқ жаҳон чемпиони Сергей Ковалёв кечаги Элейдер Альваресга қарши жангдаги мағлубиятидан сўнг илк бор фикр билдирди.

Россиялик боксчи еттинчи раундда нокаут эвазига мағлубиятини тан олганди. У ўзининг Instagram саҳифаси орқали мухлисларга мурожаат қилиб, тез орада фаолиятини якунлашини айтди.

“Ҳозир ўзимни яхши хис қиляпман. Лекин шунга қарамай, барибир МРТ текширувидан ўтишим керак. Кутилмаган зарба ўтказиб юбордим. Унгача жангни назорат қилаётган эдим. Хатто очколар ҳисобига кўра катта фарқ билан олдинда бораётгандим. Билмадим, балки фаолиятимни якунлаш фурсати етгандир. Тез орада якуний қароримни эълон қиламан”, – деди Ковалёв.

Эслатиб ўтамиз, Сергей Ковалёв ўзбекистонлик мураббий Аброр Турсунпўлатов қўл остида шуғулланиб келмоқда. Турсунпўлатов Рио Олимпиадаси чемпиони Фазлиддин Ғоибназаровнинг мураббийи ҳисобланади.