15 янв 14:55
Янгиликлар
Теннис
Серена Уильямс Australian Open сабаб никоҳ тўйини кечиктирди
Америкалик теннисчи Серена Уильямс Австралия Очиқ чемпионати сабаб ўзининг никоҳ тўйини кечиктиришга мажбур бўлди.
Боиси, айнан ушбу “Катта Дубулға” туркумига кирувчи турнирдаги муваффақиятли иштирок Серенани яна дунёнинг биринчи рақамли теннисчисига айлантиради.
Аввал хабар берганимиздек, Серена Уильямс арманистонлик тадбиркор Алексис Оганянга турмушга чиқади. Australian Open турнирининг асосий тўр баҳслари 16 январь куни бошланиб, 29 январгача давом этади.
Эслатиб ўтамиз, Серена Уильямс ўтган йилги Австралия Очиқ чемпионатининг финал учрашувида германиялик Анжелик Керберга имкониятни бой берган эди.
Мавсум якунида эса 186 ҳафта давом этган WTA рейтингидаги пешқадамликни ҳам айнан Керберга топширганди. Қуръа натижасига кўра Серена илк даврада швейцариялик Белинда Бенчичга қарши кортга чиқади.
Ҳавола :
Фикрлар