03 июн 16:28
Янгиликлар

Бокс/ММА

Сергей Ковалёв камарларни ўз қўлида бирлаштирмоқчи

Ярим оғир вазн тоифасида WBO чемпиони Сергей Ковалёв мутлоқ жаҳон чемпиони бўлиш истагида эканлигини маълум қилди.

Бу ҳақда у Москвада бўлиб ўтган матбуот анжуманида хабар берди.

"Режам бўйича яна бешта жангдан сўнг фаолиятимни якунлайман. Мақсадим мана шу жанглар орқали ўз вазн тоифамда мутлоқ жаҳон чемпиони бўлиш. Ҳозир ҳамюртларим Дмитрий Биволда WBA, Артур Бетербиевда IBF, украиналик Александр Гвоздикда WBC камари бор. Менга биринчи навбатда Бетербиев билан жанг муҳим. У билан ҳаваскор боксда ҳам алоҳида ҳисоб-китобимиз бўлган. Артур мени -81 кг вазн етакчиси бўлишим учун йўл бермасди", - деди Ковалёв.

Маълумот учун, Сергей Ковалёв 29 июнь куни Челябинск шаҳрида чемпионлик камари учун расмий даъвогар Энтони Ярдга қарши рингга кўтарилади.