06 сен 19:10
Янгиликлар

Бокс/ММА

Шаҳрам Ғиёсов - Жаҳон чемпионатининг энг яхши боксчиси!

Гамбургда ўтказилган бокс бўйича жаҳон чемпионатининг олтин медал соҳиби Шаҳрам Ғиёсов мухлислар томонидан ушбу мусобақанинг энг яхши боксчиси деб топилди.

Халқаро ҳаваскор бокс федерацияси расмий сайтида жаҳон чемпионатининг энг яхши боксчисини аниқлаш мақсадида мухлислар ўртасида сўров ўтказилди. Ушбу сўровда катта фарқ билан ҳамюртимиз ғолиб чиқди.

Шаҳрам Ғиёсов 56 фоиз овоз тўплаган. Иккинчи ўриндан яна бир жаҳон чемпиони украиналик Олександр Хижняк 17 фоиз овоз билан жой олди. Кубалик жаҳон чемпиони Хулио Сезар Ла Круз 15 фоиз овоз билан кучли учликка якун ясаб берди.