20 сен 12:45
Янгиликлар
Теннис
Шарипова Питерда рейтингда 420-поғонадаги теннисчига ютқазди
Россиянинг Санкт-Петербург шаҳрида теннис бўйича соврин жамғармаси 100 минг АҚШ долларини ташкил қилувчи турнирнинг асосий тўр баҳслари бошланди.
Унда ҳамюртимиз Сабина Шарипованинг ҳам иштирок этаётгани ҳақида хабар берган эдик. Афсуски, Питер турнирида саккизинчи рақам остида таснифланган ҳамюртимиз илк даврадаёқ мағлубият аламини тотиб кўрди.
Дунё рейтингида 163-ўринни эгаллаб турган мамлакатимизнинг биринчи ракеткаси россиялик Мария Марфутинага қарши кортга чиқди. Бир соату 11 дақиқа давом этган баҳсда турнирга имтиёзли равишда қўйилган, рейтингда 420-поғонадан жой олган Марфутина икки сетда ҳам бир хил 6:2 ҳисобида зафар қучди.
Ҳавола :
Манба : olamsport.com
Фикрлар