Шахмат. Эронда жаҳон чемпионати старт олди

Классик шахмат йўналишида ўтказилаётган жаҳон чемпионатида иштирокчилар 1/32 финал босқичидан жаҳон тожи сари юришни бошлашди. Амалдаги жаҳон чемпиони унвони хитойлик Хоу Ифанга тегишли бўлиб турибди.

Регламентга кўра, мусобақа нокаут тизимида ўтказилади ва икки партия якунига кўра кейинги босқичга йўл олган шахматчи номи аниқланади. Агар ғолибни аниқлаш учун икки партия кифоя қилмаса, у ҳолда шахматчилар рапид йўналишида қўшимча яна иккита партия ўйнашади.

Ғолиблик учун асосий даъвогарлардан бири украиналик Анна Музичук 1/32 финал босқичининг илк партиясида қора доналарда ўйнашига қарамай, жазоирлик Амина Мезиудни таслим этди.

Шунингдек, Инна Гапоненко ва Нино Хурцидзе ҳам илк партияда зафар қучишди. Анна Ушенина – Анастасия Зезюлькина, Хоанг Тхань Чанг – Наталия Букса партияларида дуранг натижа қайд этилди.