08 май 08:42
Янгиликлар

Шахмат

Шахмат. Гулруҳбегим марказий баҳсда Сарвинозни мағлуб этди

Хабар берганимиздек, шу кунларда пойтахтимизда шахмат бўйича эркаклар ва аёллар ўртасида мамлакат чемпионати олий лига баҳслари давом этмоқда.

Айлана тарзда ўтказилаётган хотин-қиз шахматчилар мусобақасида икки халқаро гроссмейстер - Гулруҳбегим Тоҳиржонова (2349, чемпионатнинг биринчи рақамли иштирокчиси) ва Сарвиноз Қурбонбоева (2219) ғолиблик учун асосий даъвогар сифатида эътироф этиляптию Бешинчи турда улар ўзаро тўқнаш келишди.

Тоҳиржонова қора доналарда ўйнашига қарамай, 35-юришдан сўнг рақибасини таслим эта олди. Бу билан у 5 имкониятдан 4,5 очко жамғариб, пешқадамлик қилишда давом этяпти. Амалдаги мамлакат чемпиони Нодира Нодиржонова оқ доналарда ҳаракат қилиб, Райҳон Дониёровани мағлубиятга учратди.