Шахмат ишқибозлари "Venkon Cup 2017"га марҳамат

"Sky Chess" шахмат мактаби томонидан ўтказиладиган ушбу мусобақада Venkon компаниясининг ҳам катта ҳиссаси бўлади. Ахборот ҳамкори - www.olamsport.com сайти.

"Venkon Cup" кетма-кет иккинчи йил 16 ёшгача бўлган ўсмирлар учун ўтказилади. Ушбу саралаш мусобақаси иштирокчиларга 3, 2 ва 1-разряд нормасини бажариш учун имконият бўлади.

Ўтган йилги турнирда фақат Тошкент шаҳрида яшовчи ўсмирлар иштирок этишган бўлса, бу йилги мусобақада Хоразм, Самарқанд, Сурхондарё ва Жиззах вилоятлари шахмат мактабларида таҳсил олувчи ёшлар ҳам қатнашишади.

17 декабрь куни "Venkon Cup 2017" мусобақасида Қозоғистон, Франция ва ўзбекистонлик таниқли шахматчилар иштирокида намойишли ўйинлар ўтказилади. Бу баҳслар соат 11:00да бошланади.

Агар сизда ёки сизнинг фарзандингизда ушбу мусобақада қатнашиш истаги бўлса рўйхатдан ўтишингиз мумкин. Маълумот учун, барча вилоятлардан келган иштирокчилар мусобақада бепул қатнашишлари мумкин. Тошкент шаҳрида яшовчи қатнашчилар тўлайдиган бадал пулларининг барчаси иштирокчиларга совғалар олиш учун сарфланади.

Рўйхатдан ўтиш учун қуйидаги рақамга қўнғироқ қилиш мумкин: 120-00-25

Мусобақани томоша қилиш истагида бўлганлар бемалол "Poytaxt" бизнес-марказининг 4-конференц залига ташриф буюриб ёш шахматчиларнинг ўйинларини кўришлари мумкин бўлади.