Шахмат. Жаҳон Кубоги иштирокчилари маълум, биздан ягона вакил

Йилнинг энг нуфузли мусобақасида 128 нафар иштирокчи, шу жумладан амалдаги жаҳон чемпиони Магнус Карлсен ҳам иштирок этади. Норвегиялик чемпион ўз иштирокини расман тасдиқлади.

Жаҳон Кубогида Ўзбекистондан ягона вакил ҳам қатнашади. Бу кўпчилик кутгандек 17-жаҳон чемпиони Рустам Қосимжонов эмас. Аксинча, минтақавий саралаш баҳсларида ғолибликни қўлга киритган гроссмейстеримиз Жаҳонгир Воҳидовдир. Айнан у Жаҳон Кубогида юртимиз шарафини ҳимоя қилади.

Жаҳон Кубоги нокаут тизимида ўтказилиб, мағлуб бўлган шахматчилар ўз иштирокларини тўхтатишади. Агар иккита классик партиядан сўнг ҳисоб тенг бўлиб қолса, у ҳолда ғолиб тай-брейкда аниқланади.

Ҳал қилувчи финал учрашуви эса 4 та классик партиядан иборат бўлади. Жаҳон Кубоги ғолиби ва финалчи келаси йили жаҳон тожи учун ўтказиладиган даъвогарлар турнирига йўлланмани қўлга киритади.