Шахмат. Осиё чемпионати: Якуббаева 3, Шамсиддин 8 ва бошқа вакилларимиз қандай натижа кўрсатишмоқда?

Аввалроқ, ушбу мусобақада Ўзбекистон терма жамоаси аъзолари ҳам иштирок этаётганликлари ҳақида хабар қилгандик. 

Ҳозирча мусобақада 5-тур беллашувлари ортда қолди. 

Эркаклар ўртасидаги баҳсларда ҳозирча энг яхши натижани Шамсиддиин Воҳидов қайд этмоқда. Ченнай Олимпиадаси чемпиони айни пайтда 5 та имкониятдан 4 очко жамғарган ҳолда, 8-ўринни эгаллаб турибди. У пешқадам Харша Баратхакотидан ярим очко ортда қолмоқда. 

Ортиқ Нигматов эса 3 очко билан 24-ўринни банд этган. 

Абдималик Абдисалимов 2,5 очко билан 54, Саидакбар Саидалиев эса 2 очко билан 55-ўринни эгаллаб турибди. Шахмат Олимпиадасининг яна бир чемпиони Нодирбек Якуббаев ҳисобида ҳам 2 очко бор (71-ўрин). Бобир Саттаров ҳам 2 очко билан 72-ўринда турибди. 

Эркаклар ўртасидаги баҳсларда умумий ҳисобда 92 нафар шахматчи иштирок этмоқда. 

Аёллар ўртасидаги баҳслардаги ягона вакилимиз Нилуфар Якуббаева эса 4 очко билан 3-ўринни эгаллаб турибди.