Шахмат. Тож учун даъвогарлар турнирида Крамник пешқадам!

28 март кунига қадар давом этадиган мусобақа ғолиби шу йилнинг ноябрида Лондон шаҳрида ўтказиладиган суперматчда амалдаги жаҳон чемпиони норвегиялик Магнус Карлсенга қарши дона суриш имкониятини қўлга киритади. 

Ушбу ягона йўлланма учун озарбайжонлик Шахрияр Мамадияров, арманистонлик Левон Аронян, америкаликлар Фабиано Каруана ва Уэсли Со, хитойлик Дин Лижэнь ҳамда уч нафар россиялик гроссмейстерлар Александр Гришук, Сергей Карякин ва Владимир Крамник баҳс олиб боряпти.

Россиялик Владимир Крамник кеча ўтказилган 3-турда қора доналарда ўйнашига қарамай, арманистонлик гроссмейстер Левон Аронянни мағлуб этди. Бу билан у 2,5 очко тўплаган ҳолда турнир жадвалида якка пешқадам бўлиб олди. Қолган 3та партияда дуранг натижа қайд этилди. 

3-тур, 12.03.2018

Карякин – Гришук 1/2 - 1/2

Аронян – Крамник 0:1

Каруана – Мамадияров 1/2 - 1/2

Уэсли Со – Дин Лижэнь 1/2 - 1/2

Турнир жадвалидаги ҳолат: Крамник - 2,5; Мамадияров, Каруана - 2; Дин Лижэнь, Гришук - 1,5; Аронян, Карякин - 1, Уэсли Со - 0,5

4-тур жуфтликлари. 14.03.2018

Гришук – Дин Лижэнь

Мамадияров – Уэсли Со

Крамник – Каруана

Карякин – Аронян