Шахмат Юлдузлари. Олтита партиянинг барчасида дуранг қайд этилди

Буюк саркарда ва давлат арбоби Амир Темур таваллудининг 680-йиллигига бағишлаб ўтказилаётган ушбу супер турнирда дунё тан олган тўрт нафар гроссмейстер – озарбайжонлик Шахрияр Мамадияров, исроиллик Борис Гельфанд, украиналик Руслан Пономарев ҳамда 17-жаҳон чемпиони ҳамюртимиз Рустам Қосимжонов иштирок этяпти.

Эътиборга молик жиҳати шундаки, кеча ўтказилган учинчи турнинг барча 6та партияси дуранг натижа билан якунланди. Ҳеч бир гроссмейстерга ғалаба қозониш насиб қилмади.

Ҳамюртимиз 17-жаҳон чемпиони Рустам Қосимжонов аввалига Руслан Пономарев, кейин пешқадам Шахрияр Мамадияров, сўнгги партияда Борис Гельфанд билан муросага келди. Бугунги сўнгги учрашувлар олдидан Қосимжонов 4 очко билан 3-ўринни эгаллаб турибди.

УЧИНЧИ ДАВРА НАТИЖАЛАРИ:

Пономарев - Қосимжонов 1/2 - 1/2

Гельфанд - Мамадияров 1/2 - 1/2

Гельфанд - Пономарев 1/2 - 1/2

Мамадияров - Қосимжонов 1/2 - 1/2

Пономарев - Мамадияров 1/2 - 1/2

Қосимжонов - Гельфанд 1/2 - 1/2

ТУРНИР ЖАДВАЛИДАГИ ҲОЛАТ:

Шахрияр Мамадияров (Озарбайжон) - 6 очко

Борис Гельфанд (Исроил) - 4,5 очко

РУСТАМ ҚОСИМЖОНОВ (Ўзбекистон) - 4 очко

Руслан Пономарев (Украина) - 3,5 очко