12 дек 17:45
Янгиликлар
Шахмат
Шахматчиларимиз ЖАР ва Аргентинани мағлуб этдилар
Ҳиндистонда шахмат бўйича 16 ёшгача бўлган ўсмирлар ўртасида Бутунжаҳон Шахмат Олимпиадаси бўлиб ўтмоқда.
Ушбу Олимпиадада спортчиларимиз илк турда ЖАР терма жамоаси аъзоларига қарши дона суришлари ҳақида хабар қилгандик.
Кеча шахматчиларимиз турнирдаги илк ўйинни ўтказдилар ва ушбу баҳсда вакилларимиз 4:0 ҳисобида ғалаба қозондилар.
Шамсиддин Воҳидов, Саидакбар Саидалиев, Далер Воҳидов ва Ситора Сапаровалар рақибларидан устун келиб, юз фоизлик натижа кўрсата олдилар.
Бугун эса вакилларимиз аргентиналик рақибларига қарши ўйин ўтказдилар ва 2,5:1,5 ҳисобида ғалаба қозондилар.
Нодирбек Якуббоев ва Саидакбар Саидалиевлар рақибдан устун келдилар. Шамсиддин Воҳидов эса муроса кўчасини танлади. Далер Воҳидов эса имкониятни бой бериб қўйди.
Ўсмирларимиз навбатдаги ўйинни Эрон терма жамоаси вакилларига қарши ўтказадилар.
Ҳавола :
Манба : olamsport.com
Фикрлар