Шахматимиз юлдузларига мукофотлар топширилди + ФОТО

Юртимиз бўйлаб истиқлолнинг шонли 30 йиллик байрам шукуҳи кезиб юрган шу кунларда мамлакатимизни ҳар томонлама тараққий эттириш, унинг жаҳон миқёсидаги шон-шуҳратини оширишга катта ҳисса қўшаётган, давлатимиз иқтисодиёти ва аҳоли фаровонлигини юксалтиришда ибрат ва намуна бўлиб келаётган бир қатор юртдошларимиз «Ўзбекистон Республикаси мустақиллигининг 30 йиллиги» эсдалик нишони билан мукофотланмоқда.

Ўзбекистонда Шахмат спорт тури ҳам сўнгги йилларда тобора ривожланаётган спорт турлари қаторига кирмоқда. Ана шундай бир гуруҳ Ўзбекистон шахмат федерациясининг фидоийларига "Ўзбекистон Республикаси мустақиллигининг 30 йиллиги" эсдалик нишони топширилди. Кўкрак нишонини Бош вазир ўринбосари, туризм ва спорт вазири, шахмат федерацияси раиси Азиз Абдуҳакимов топширди.

Бу мукофот шахматчиларнинг меҳнатлари учун муносиб рағбат, юксак ишонч ва албатта, бундан кейинги фаолияти учун масъулиятдир.

Бу каби эътибор шахматни оммалаштиришга ва янада ривожлантиришга ҳамда келажакдаги ишларни жадаллаштиришга хизмат қилиши шубҳасиз.‌‌

Суратлар муаллифи - Алимурод МАМАДАМИНОВ, ўз мухбиримиз