21 окт 12:37
Янгиликлар
![](/upload/storage/21181_220.jpg)
Шлеменко натижани қайта кўриб чиқиш бўйича апелляция берди
Кечанинг марказий жангида россиялик Александр Шлеменко асли келиб чиқиши арманистонлик бўлган, лекин Голландия байроғи остида октагонга чиқаётган Гегард Мусасига очколар ҳисобига кўра мағлуб бўлганди.
Ҳакамларнинг қарори нафақат Шлеменко ва унинг жамоаси, балки мухлисларга ҳам маъқул келмаганди. Зал тўла мухлислар Мусасининг ғолиб чиққанлигини хуштакбозлик билан кутиб олишди. Александрнинг ўзи қарор юзасидан “протест” берди.
– Мен ҳакамларнинг қарорларига умуман қўшилмайман. Ҳа, тан оламан, мен биринчи раундни бой бердим. Лекин иккинчи ва учинчи раундларни рақибдан яққол устунликка эришдим. Ҳакамлар мени ўз қарорлари билан “кўмиб” қўйишди. Биз қарор юзасидан апелляция берамиз. Аммо катта эҳтимол билан улар ўз қарорларини ўзгартиришмаса керак, – деди Шлеменко.
Эътиборлиси, ҳар икки спортчи ҳам жангдан сўнг тўғри касалхонага равона бўлган. Шлеменко жанг давомида қўлини синдириб олганди. Мусаси эса ўтказиб юборилган зарбалардан сўнг шифокор кўригига муҳтож бўлиб қолган.
Фикрлар