03 окт 07:42
Янгиликлар

Бокс/ММА

Шоҳасан Мирзаматовнинг навбатдаги рақиби ва жанг санаси маълум бўлди

21 октябрь куни Қозоғистоннинг Олма-Ота шаҳрида жойлашган "Балуан Шолак" аренасида Octagon 51 турнири бўлиб ўтади.

Аҳамиятлиси, ушбу мусобақада ярим ўрта вазн тоифасида ўзбекистонлик аралаш яккакураш устаси Шоҳасан Мирзаматов ҳам октагонга кўтариладиган бўлди. Ҳамюртимизга ўша куни бразилиялик Нилсон Гомес (22-5-0) рақиблик қилади. Жанг 3 раунд этиб белгиланган.

Аввалроқ, Шоҳасаннинг Octagon лигаси билан янги шартнома имзолагани ҳақида хабар берган эдик.

Маълумот учун, Octagon 51 мусобақасининг марказий жангида ярим енгил вазн тоифасида ўзбекистонлик чемпион Муҳаммаджон Қурбонов ўз титулини тожикистонлик Фарҳод Давлатовдан ҳимоя қилади.