16 фев 11:53
Янгиликлар

Бокс/ММА

Шоҳжаҳон Эргашев рақибини қандай ҳисобда мағлуб этди?

Бундан бир неча соат аввал енгилмас боксчимиз Шоҳжаҳон Эргашев профессионал фаолиятидаги 16-ғалабасига эришди.

Ҳамюртимиз АҚШнинг Малвейн шаҳрида ўзи сингари мағлубият нималигини билмай келаётган америкалик 23 ёшли Майкл Фоксга қарши 10 раундлик жанг ўтказди. Фокс 19та жангнинг барчасида ғалаба қозонган, 5та жангни нокаут билан якунлагани эди.

Хабар берганимиздек, 27 ёшли Шоҳжаҳон рақибини очколар ҳисобига кўра мағлубиятга учратди. Ҳакамлардан икки нафари 98-92 ҳисобида Эргашевнинг ғалабасини таъминлади. Учинчи ҳакам эса боксчимизга 96-94 ҳисобидаги ғалабани тақдим этди.