05 дек 17:00
Янгиликлар

Бокс/ММА

Шоҳжаҳон Эргашевнинг навбатдаги рақиби маълум, у АҚШда енгилмас боксчига қарши жанг ўтказади

Нокаутчи боксчимиз Шоҳжаҳон Эргашев 12 январь куни АҚШда навбатдаги жангини ўтказиши ҳақида хабар қилгандик.

Шоҳжаҳоннинг сайтимизга маълум қилишича, у 12 январь куни мезбон боксчи Сони Фредриксонга қарши рингга чиқади.

"Навбатдаги рақибим Сони Фредриксон бўлади. Агар уни мағлуб эта олсам дунё рейтингида кучли 15таликка кириб олишим мумкин бўлади", - деди боксчи.

Маълумот учун, америкалик боксчи фаолияти давомида 18 маротаба жанг қилган ва уларнинг барчасини ғалаба билан якунлаган. Жангларнинг 12тасида у рақибларини нокаут эвазига мағлуб этган.