"Шўртан" 10 кун ичида 13 000 доллар тўламаса 1-лигага тушиб кетади!

Куни кеча ФИФА 11 майга қадар клуб ушбу футболчи олдидаги қарзларини тўлиқ тўлаб бермаса 2018 йил биринчи лигага тушириб юборлиши борасида ПФЛга хат юборган. Ўтган йил сентябрь ойида ушбу қарздорлик туфайли ПФЛ "Шўртан" клубидан 3 очко олиб ташлаганди. 

Шундан сўнг, клуб бош директори Шоди Номозов легионерга барча қарзлар тўлангани ҳақида интервью берганди. Бироқ, орадан маълум вақт ўтгач, бу масала яна кун тартибидан ўрин олди. 

Бу сафарги жазо олдингисидан жиддийроқ бўлади. Вазиятга ойдинлик киритиш учун "Футбол Экспресс" газетаси мухбири "Шўртан" бош мураббийи Ихтиёр Каримовга мурожаат қилди: 

- ФИФАнинг чиқарган қарори бизни карахт аҳволга солиб қўйди. Улар биздан 10 кун ичида қарздорликни тўлашимизни талаб қилишмоқда. Қандай қилиб бўлмасин қарзларни тўлаб жамоани олий лигага олиб қолмоқчимиз. ФИФА 2013 йил футболчи олдидаги қарздорлигини тўлаб бериш ҳақида қарор чиқарган. Клуб эса ўтган йил пулларни тўлади. Йиллар давомида қарз вақтида тўланмагани учун устама пуллар фоиз ҳисобида "туғилаверган". 2016 йил Милославлевичга 46000 доллар қарз тўлаб берилган. Фоиз туфайли яна 13000 доллар қарз пайдо бўлган. Футболчининг агенти бу пулларни тўлаб беришимизни талаб қилмоқда",  - дейди Ихтиёр Каримов.