Швецияда профессионал боксга тақиқ қўйилиши кутиляпти

Соҳа мутахассислари ва айниқса Швеция меҳнатни ҳимоя қилиш агентлиги профессионал боксни инсон ҳаётига хавф солувчи спорт тури сифатида эътироф этмоқда.

Шу боис ҳам Швецияда профессионал боксга чек қўйиш таклифи билан чиқди. Бунга бир томондан швециялик профессионал боксчи Эрик Скоглунд билан декабрь ойида содир бўлган воқеа ҳам сабаб бўлмоқда.

Шифокорлар Скоглундга мияга қон қуйилиш ташхисини қўйишганди. Ўшанда боксчи кома ҳолатига ҳам тушиб қолганди. Шифокорларнинг ёрдами билан Эрикнинг ҳаёти сақлаб қолинганди. Ҳозирда у муолажаларни давом эттирмоқда.