Швейцария терма жамоасининг Тошкентга келадиган таркиби маълум

Ўзбекистон терма жамоаси саралашда Хитой теннисчиларини 3:2 ҳисобида мағлубиятга учратиб, плей-оффда иштирок этиш ҳуқуқини қўлга киритганди. Швейцарияликлар эса Жаҳон лигаси биринчи босқичида Италияга қарши ўйин ўтказиб, 0:5 ҳисобида мағлубиятга учраган эди.

Бугун Тошкентга келадиган терма жамоа таркиби маълум бўлди. Дунёнинг тўртинчи ракеткаси Рожер Федерернинг Тошкентга келмаслиги аввалдан маълум бўлганди. Боиси, у жароҳат сабаб йил сўнггига қадар бошқа кортга чиқмайди.  

Қувонарлиси, сайёрамизнинг учинчи ракеткаси Стэн Вавринка ҳам пойтахтимизга ташриф буюрмайди. Бу ҳали ҳаммаси эмас. Дунё рейтингида 144-ўринни эгаллаб турган Марко Кьюдинелли ҳам теннисчиларимизга қарши учрашувга келмайди.

Расмий сайтда берилган “заявка”да Генри Лаксонсен (161), Адриен Боссел (472), Антони Бельер (537) ҳамда Йоан Никлес (890)нинг номи зикр этилган. Айнан мана шу тўрт нафар теннисчи Швейцария терма жамоаси таркибида Тошкентга келишади. Уларнинг ташрифи якшанба кунига мўлжалланган.