09 мар 11:02
Янгиликлар

Шахмат

"Sky Chess" мактаби турнир ўтказди, 10 нафар қизга мактабда бепул таълим олиш имконияти берилди

8 март – Халқаро хотин-қизлар куни арафасида Sky Chess шахмат мактаби ҳар йили анъанавий аёллар турнирини ўтказади ва зукко, билимдон ва иқтидорли хотин-қизларни тақдирлаб келади.

Бу йил ҳам Artel компанияси билан ҳамкорликда «Нилуфар» шахмат турнири ўтказилди. Унда 50 нафар хотин-қизлар, хусусан, Тошкентдаги 21, 22, 23-сонли Меҳрибонлик уйларининг 15 нафар тарбияланувчи қизлари қатнашишди. Ҳомий томонидан 10 нафар меҳрибонлик уйи тарбияланувчиларига 1 йил давомида Sky Chess мактабида бепул ўқиш имкони тақдим этилди.

3 босқичда ташкил этилган турнирда:

А гуруҳдан:

1. Ибрагимова Ирода;

2. Баходиржонова Хадичабону;

3. Турдимурадова Дилназ.

Б гуруҳдан:

1. Шафиназода Умурзоқова;

2. Шахзода Бахтиёрова;

3. Дилдора Алимова.

Ғолиблар ҳомийларнинг қимматбаҳо совғалари билан тақдирланишди. Тақдирлаш маросимида машҳур ўзбек теннисчиси Ирода Тўлаганова ҳам қатнашди.

Мазкур турнирни ўтказиш ҳамда Ўзбекистонда аёллар ўртасида шахматни кенг тарғиб қилиш, хотин-қизларнинг интеллектуал салоҳиятини оширишга ўз ҳиссасини қўшгани учун мусобақа ҳомийси Artel компаниясига ўз миннатдорлигимизни билдирамиз. Шунингдек, турнирда иштирок этган хотин-қизларни аёллар айёми билан муборакбод этиб, уларга юксак марраларни забт этишни тилаб қоламиз!