Собиқ футболчи, бокс бўйича Осиё чемпиони бўлган спортчи билан интервью

Эътиборингизга, спортчимиз билан уюштирилган қисқа интервьюни тақдим этамиз.

Ўзи ҳақида қисқача

Исм шарифим - Муллажонов Лазизбек, Фарғона шаҳрида яшайман. Мураббийим Шерзод Ҳусанов ва Ғанишер Тўйчиевлар.


Футбол ва бокс ҳақида

Боксчга кириб келишим... Олдин тўғриси футболчи бўлганман. Жамоа сафида тўп тепардим. Кейинчалик, мураббийим Шерзод Ҳусанов сабабли боксга кириб келганман. Шу билан боксга қизиқиб, мусобақаларда ғолиб бўлиб, боксчи бўлганман.

Фарғонанинг "Нефтчи" жамоасида, иккинчи лига ўйинларида иштирок этардим.

Боксдаги кумири

Кумирим Рой Жонс. Унинг рингдаги турли ранг-баранг ҳаракатлари менга ёқади. Айнан ушбу боксчига қараб интиламан. Айни пайтда +91 кг вазн тоифасида рингда жанг қиламан.


ОАВни кузатиш

Албатта кузатиб бораман. Машғулотлардан сўнг атрофда содир бўлаётган воқеалардан бохабар бўлиш учун интернет тармоғига кириб тураман.


Спортнинг яна қайси турига қизиқади?

Футболга қизиқаман. Машғулотлардан сўнг ҳам мураббийларимиз кўрсатмасига кўра футбол, баскетбол, регби ўйнаймиз.
Бокс машғулотлари, ҳафталик йиғинлар олдидан режа тузилади. Ўша режадан футбол ўйнаш ҳам ўрин олган бўлади.

Келажакдаги режалар, ниятлар...

Ҳар бир спортчи учун энг катта ютуқ бу Олимпиада ўйинлари ғолиблиги ҳисобланади. Шу қатори менинг ҳам мақсадим шу: Олимпиадада ғалаба қозониб, ватанимиз байроғини юқорига кўтариб юришдир.


Севимли овқати: Тайёрлашни биладими?

Ош, сомса каби таомларни яхши кўраман. Лекин, тайёрлашни билмайман.


Қандай қўшиқлар тинглайди?

Ўзбекча қўшиқлардан Шохруххоннинг тароналарини эшитаман. Кейин, асосан жангга кайфият берадиган ҳорижий қўшиқлар эшитаман.

Азиз Тўхтамуродов