Собиқ жаҳон чемпиони: Бокс туфайли ногирон бўлдим, наркоманга айландим

Владимир Кличкога илк мағлубиятни тақдим этган Бёрднинг айтишича, бокс сабаб у бугун ногирон ва наркоманга айланганини тан олди. 

“Мени расман ногирон деб тан олишди. Шу ҳақда гапиряпману, қалбимда оғриқ хис қиляпман. Оёқларим ёнаётгандек гўё. Бундай пайтда менга марихуана ёрдамга ошиқади. Акс ҳолда, ақлдан озиб қолишим ҳеч гап эмас. 

Оёғимдаги кучли оғриқдан халос бўлиш учун хатто уларни кестириб ташламоқчи бўлганман. Ишонинг, бундай касаллик бокс билан шуғулланган 80-90 фоиз одамда бор. Бокс туфайли ногирон бўлдим, наркоманга айландим”, - деди Бёрд.

Эслатиб ўтамиз, Крис Бёрд профессионал боксдаги фаолиятини 2009 йилнинг март ойида якунлаган. У икки бор жаҳон чемпиони бўлган. Владимир Кличкога илк мағлубиятни тақдим этган ҳам айнан Бёрд бўлади.