20 янв 09:41
Янгиликлар

Бокс/ММА

Сондерс чемпионлик камарини ҳамюртига қарши жангда ҳимоя қилади

Ўрта вазн тоифасининг WBO йўналишида жаҳон чемпиони британиялик Билли Жо Сондерс (26-0, 12 КО) ўзининг навбатдаги ҳимоя жангини ҳамюрти Мартин Мюррей (36-4-1, 17 КО)дан ҳимоя қиладиган бўлди.

Ҳамюртлар жанги 14 апрель куни Лондон шаҳрида бўлиб ўтади. Оқшомнинг яна бир қизиқарли жанги биринчи ярим ўрта вазнда вакант бўлиб турган WBO чемпионлик камари учун кечади ва унда британиялик Терри Фланаган (33-0, 13 КО) ва америкалик Морис Хуккер (23-0, 16 КО) ўзаро тўқнаш келишади.

Маълумот учун, Сондерс WBO чемпионлик камарини 2015 йилнинг декабрида ирландиялик Энди Ли (35-3, 24 КО)ни мағлубиятга учратгач қўлга киритганди. Бу сафар у титулини тўртинчи маротаба ҳимоя қилади. Сўнгги бор Билли Жо ўтган йилнинг 16 декабрь куни Канаданинг Лаваль шаҳрида маҳаллий боксчи Давид Лемье (38-4, 33 КО)дан устун келганди.