Спенсга ютқазган Майки Гарсия энди Ломаченко билан жанг қилмоқчи

“Ўйлашимча, Спенсга қарши ўтказган жангим орқали бокс оммасини менга ҳурмат билан ёндашишларига мажбур қила олдим. Отам ва акам бу жангни имкони борича муддатидан аввал якунлашим кераклигини уқтиришганди. Лекин бунинг иложи бўлмади. 

Майли, бу баҳс тарихда қолди. Ҳозир мен енгил вазнга қайтиб, Василий Ломаченко билан жанг ўтказишни истардим. Аммо, ҳали енгил вазнга қайтишим борасида якуний қарорга келмадим. Биз бу масалада отам ва акам билан маслаҳатлашиб кўрамиз. Қайтган тақдиримда фақат Ломаченкога қарши рингга чиқаман. Бу дивизионда бошқа ҳеч ким билан жанг мен учун қизиқ бўлмайди”, - деди Гарсия.