15 авг 12:50
Янгиликлар
Бошқалар, Тадбирлар
"Спорт ТВ" мутасаддилар билан мулоқотга журналистларни таклиф этади
Ўзбекистон миллий телерадиокомпаниясида «Халқ билан мулоқот ва инсон манфаатлари йили»да тегишли вазирлик, қўмита, компаниялар, маҳаллий ҳокимиятлар томонидан олиб борилаётган ишлар кўрсатув ва эшиттиришлар орқали ёритилмоқда.
Тадбирлар масъул раҳбарлар ва мутахассислар иштирокида атрофлича таҳлил қилиб бориляпти.
Жумладан, "Спорт ТВ" телеканалида бугун Жисмоний тарбия ва спорт давлат қўмитаси, Миллий олимпия қўмитаси, спорт федерациялари раҳбарияти ҳамда масъул шахслари иштирокида ОАВ билан мулоқот ташкил этилмоқда. Кўрсатув мавзуси "Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш" тўғрисида Ўзбекистон Республикаси Президентининг қарорига бағишланган.
"Спорт ТВ" барча оммавий ахборот воситалари журналистларини ушбу тадбирга таклиф этади. Учрашув 18.00да Ўзбекистон Олимпия ва Шон-шуҳрати музейида бошланади.
Ҳавола :
Фикрлар