Спортчиларимиз Ислом ҳамжихатлик ўйинларига йўл олишди

Бугун эрта тонгдан бир гуруҳ спортчиларимиздан таркиб топган Ўзбекистон делегацияси Озарбайжон пойтахтига жўнаб кетди. Мусобақа олимпия ўйинлари каби ҳар 4 йилда бир маротаба ўтказилади ва у Ислом мамлакатлари олимпиадаси деб ҳам аталади.

Илк мусобақа 2005 йили Саудия Арабистонида бўлиб ўтган эди. Эрон эса 2009 йилда иккинчи мусобақага мезбонлик қилган. Тўрт йил аввал Индоезиянинг Пеканбару шаҳри мазкур нуфузли мусобақа мезбони бўлган.

Ислом ҳамжихатлик ўйинлари спортнинг 21та турини ўз ичига олади. Булар: Енгил атлетика, сувга сакраш, сузиш, сув полоси, баскетбол 3х3, футбол, бадиий ва спорт гимнастикаси, ушу, стол тенниси, гандбол, дзюдо, юнон-рум кураши, эркин кураш, ўқ отиш, теннис, волейбол, бокс, зорхана, каратэ, таэквондо ва оғир атлетика.

Вакилларимиз қуйидаги спорт турларида ғолиблик учун курашадилар:

1. Енгил атлетика (10 нафар спортчи)

2. Бокс (10)

3. Спорт гимнастикаси (5)

4. Бадиий гимнастика (9)

5. Дзюдо (6)

6. Каратэ (7)

7. Ўқ отиш (6)

8. Сузиш (5)

9. Таэквандо (9)

10. Оғир атлетика (10)

11. Юнон-рум кураши (5)

12. Эркин кураш (5)

13. Гандбол (аёллар терма жамоаси)

14. Сувдан сакраш (4)

15. Теннис (6)

Паралампия йўналиши:

1. Енгил атлетика (4)

2. Дзюдо (6)

Жами 165 нафар спортчи юртимиз шарафини ҳимоя қиладилар.