19 окт 08:54
Янгиликлар

Бокс/ММА

Стиверн vs Уайлдер. Шартнома имзоланди, жанг ўтказилади

Профессионал бокснинг супероғир вазн тоифасида WBC йўналиши чемпиони америкалик Деонтей Уайлдер ҳамда канадалик даъвогар боксчи Бермейн Стиверннинг жамоалари ўзаро келишиб олишди.

Унга кўра, чемпионлик жанги 4 ноябрь куни бўлиб ўтади. Канадалик боксчининг вакиллари Стиверннинг жанг шартномасига имзо қўйганлигини тасдиқлашди. Бермейнни жангнинг молиявий томони қониқтирмагани учун музокаралар кутилагидан узоқроқ чўзилди.

Эслатиб ўтамиз, Уайлдер аслида 4 ноябрь куни Луис Ортисга қарши чемпионлик жангида камарини ҳимоя қилиши керак эди. Лекин кубалик боксчи допинг-тестдан ўта олмагани учун ушбу жанг бекор қилинганди.