Суарес ва Мессининг голлари “Барселона”га ғалаба келтирди

Каталонияликлар “Осасуна” майдонига сафар уюштириб, 3:0 ҳисобида зафар қучишди. Лионель Месси учрашувда дублга эришган бўлса, илк гол Луис Суарес ҳисобига ёзилди.  

Бугунги ғалабадан сўнг “Барселона” пешқадам “Реал” билан ўртадаги очколар фарқини 3тага қисқартирди. Лекин “Қироллик клуби” битта ўйин кам ўтказган.

Испания чемпионати, 15-тур.

ОСАСУНА – БАРСЕЛОНА 0:3

“Эл-Садар” стадиони

Голлар: 0:1 – 59 Суарес, 0:2 – 72 Месси, 0:3 - 90 Месси.

“Осасуна”: Перес, Иван Маркес, Фланьо (Гарсия Субирия, 46), Клерк, де ла Куэвас, Санхурхо (Боннин, 63), Чаушич, Торрес, Беренгер, Леон, Риера (Кодро, 70).

“Барселона”: тер Стеген, Умтити, Пике, Альба, Андре Гомеш (Рафинья, 76), Сержи Роберто, Иньеста, Бускетс, Туран (Суарес, 65), Месси, Суарес.

Огоҳлантиришлар: Санхурхо (27), Иван Маркес (52), Торрес (84).