Суперлига. Бугун Андижон, Олмалиқ ва Навоийда ўйинлар бор

АНДИЖОН — ДИНАМО

Ўтган йил қуйи лигада ўйнаган икки клубнинг ўзаро тўқнашуви. "Андижон" ҳам, "Динамо" ҳам бу мавсумда 7тадан гол ўтказишди.

"Бургутлар" ўз майдонларида ҳозирча битта учрашув ўтказишди ва ғалаба қозонишди. "Динамо" эса сафарда иккита ўйинда майдонга тушиб икки бор мағлубият аламини тотиб кўрди. Бу мавсум самарқандликлар сафарда ҳозирча гол ура олишмаяпти.

Бу икки жамоа миллий чемпионатимизда жами 40 марта тўқнаш келишган. 18та ўйинда "Динамо" зафар қучган, 14 марта "Андижон". Яна 8та баҳсда дуранг қайд этилган.

"Андижон" охирги ўзаро 6та ўйиннинг ҳеч бирида хоҳ уйда, хоҳ сафарда бўлсин "Динамо"ни мағлуб эта олмаяпти (1 дуранг ва 5 мағлубият).

Дастлабки 6та турда энг кам гол урган жамоа “Андижон” бўлди – 4та гол. 

АГМК — СУРХОН

Миржалол Қосимов Андрей Микляевга қарши. Икки йил олдин бу мураббийлар Тошкент дербисида тўқнаш келишарди.

Олмалиқликлар дастлабки 6та турда энг кам очко тўплаб, мусобақа жадвалининг энг сўнгги поғонасидан ўрин олиб турибди.

“Сурхон” охирги 3та турда рақиб дарвозасига умуман гол ура олгани йўқ. АГМК эса сўнгги икки турда тўп кирита олмади.

АГМК ва “Сурхон” клублари бу мавсум ўзаро биринчи марта тўқнаш келишади. Чунки АГМК 2008 йил олий лигага чиққан, “Сурхон” эса 2004 йил олий лигани тарк этган. 

ҚИЗИЛҚУМ — БУНЁДКОР

"Қизилқум" Суперлигадаги сўнгги 4та ўйиннинг ҳеч бирида ғалаба қозона олмади (1 дуранг ва 3 мағлубият). "Бунёдкор" эса аксинча охирги 4та ўйиннинг ҳеч бирида мағлуб бўлгани йўқ (3 ғалаба ва 1 дуранг).

Бу икки жамоа Ўзбекистон чемпионатига шу кунга қадар 24 марта тўқнаш келишган. "Қизилқум" бу ўйинларнинг атиги 2тасида ғолиб чиққан. 4 марта дуранг кузатилган ҳамда 18 марта "Бунёдкор"нинг қўли баланд келган.

"Қизилқум" ўз майдонида ўтган 12та учрашувнинг атиги биттасида мезбонлар ғолиб бўлишган (2010 йил). "Қизилқум" ўз уйида "Бунёдкор"ни 9 йилдан буён юта олмаяпти.