14 апр 13:46
Янгиликлар

Футбол

Суперлига. Бугун Термизда пешқадамлар баҳси

Бугун Ўзбекистон Суперлигасининг 4-туридан ўрин олган сўнгги уч ўйин бўлиб ўтади.

Айни пайтда мусобақа жадвалининг энг юқорисида бораётган икки жамоа ўртасидаги баҳс. Суперлигага қайтган термизликлар дастлабки учта ўйинда 7 очко тўплашди ва умуман мағлуб бўлишмади. "Пахтакор" эса мавсумни учта ғалаба билан бошлаган ягона клуб бўлиб турибди.

"Сурхон" ҳозирча энг кам гол урган клуб ҳисобланади. Асилбек Амонов учта ўйинда 1та гол ўтказди, холос. Бу клублар Ўзбекистон чемпионатида жами 24 марта тўқнаш келишган. Қизиғи мана шу ўйинларда умуман дуранг кузатилмаган.

Термизда ушбу жамоалар ўртасидаги 12та ўйиннинг 4тасида мезбонлар ғолиб бўлишган. Қолган саккизта учрашувда "шерлар" зафар қучишган.