05 июн 09:40
Янгиликлар

Бокс/ММА

Таиландлик чемпион Марчиано ва Мейвезернинг рекордига яқинлашди

Профессионал бокснинг суперенгил (47,6 кг) вазн тоифасида WBC чемпиони таиландлик Ванхенг Менайотин фаолиятидаги 47-ғалабасини тантана қилди.

Бу билан 31 ёшли Менайотин ўзига тегишли бўлган чемпионлик камарини еттинчи бор ҳимоя қилди. Бу сафар у танзаниялик Омари Кимверини очколар ҳисобига кўра (117:110, 118:109, 118:109) мағлуб этди.

Шу тариқа, таиландлик чемпион афсонавий боксчилар Рокки Марчиано ва Флойд Мейвезернинг рекордига яқинлашиб олди. Бу икки боксчи фаолиятлари мобайнида 49 та жанг ўтказиб, уларнинг барчасида ғалабага эришишган.