Тажрибали гроссмейстеримиз Малайзияда совриндор бўлди

Ўз тарихида тўртинчи бор ташкил этилган Johor International Chess Open 2017 мусобақасида 20 давлатдан 105 нафар иштирокчи ғолиблик учун дона сурди. Улар орасида ўзбекистонлик шахматчилар ҳам бор эди.

Ҳамюртларимиз орасида 9 тур якунларига кўра энг яхши натижани халқаро гроссмейстер Тоҳир Воҳидов қайд этди. Тажрибали шахматчимиз 9 имкониятдан 7 очко жамғариб, 3-ўринни эгаллади. Иккинчи ўриндаги шахматчи ҳам 7 очко тўплаган эди.

Ёш халқаро мастер, жаҳон чемпиони Жавоҳир Синдаров 6.5 очко билан 6-ўринни банд этди. Халқаро гроссмейстеримиз Алексей Барсов эса 6,5 очко билан қўшимча кўрсаткичларга кўра 8-поғонадан жой олди.

Ҳиндистонлик гроссмейстер Венкатеш 7,5 очко билан мусобақа ғолибига айланди. Ўн бир ёшли шахматчимиз Жавоҳир Синдаров айнан чемпион гроссмейстер билан дуранг натижа қайд этганди.