Таниқли спорт шарҳловчиси Даврон Файзиев Кличко-Жошуа жанги борасида қандай фикрда?

Владимир Кличко ва Энтони Жошуа иккиси ҳам 16 йил оралиғи билан Олимпиада чемпионлигини қўлга киритган. 1996 йилда Владимир, 2012 йили ўз уйида Энтони.

Жошуа Олимпиадани ютганда Кличко профрингда 50дан ортиқ жанг ўтказиб бўлган.

Кличко Олимпия чемпиони бўлганда Жошуа 6 ёшда эди.

Энтони A.J Джошуа профессионал рингда 18 жангда 18 ғалаба ва 18 нокаут кайд этган.

Жошуа хали бирорта рақибини 7-раунддан уёғига ўтказмасдан мағлуб этган.

Кличко супероғир вазнда бокс тарихидаги энг узоқ чемпион бўлган боксчилардан бири.

Икки рақибнинг бўйи бир хил. Энтони қўллари узунлиги бўйича устун. Бу эса Кличкога қарши чиқадиган боксчиларда кам учрайдиган жихат.

Икки йил олдин Жошуа Кличконинг машғулотида спаринг шерик бўлган ва Владимир ёш боксчининг улкан потенциали ва кучига тан бериб, уни оғир вазн келажаги деб айтган.

Жангни "Уэмбли" стадионида 86.000 мухлис кўради. Рекордга яқин.

Кличко фаолиятида атиги иккинчи марта букмекерлар тахминида фаворит эмас.

Бу "тажриба" ва "ёшлик" ўртасидаги классик тўқнашув.

Кличко даври Джошуа даврига йул берадими? Трансляция ҳукуки учун икки энг йирик компания "HBO" ва "Showtime" курашишди. Натижада иккиси хам ҳарид килди. Факат бири жонли эфирда, бири ёзиб олинган ҳолда кўрсатади.

Шахсий фикрим, тезкор Жошуанинг имконияти дастлабки 5 раундда. Агар уёғига ўтса, Кличко бир неча ўн йиллик ичида ёзган бокс китоблари кутубхонасига олиб кириб, дарс бериб қўяди.