19 фев 10:36
Янгиликлар

Бокс/ММА

Тайсон Фьюри 100 млн долларлик шартнома имзолади

Супероғир вазн тоифасида мағлубият нималигини билмай келаётган собиқ жаҳон чемпиони Тайсон Фьюри катта суммадаги шартномага имзо чекди.

Британиялик боксчи ҳамда унинг промоутери Фрэнк Уоррен Американинг Top Rank промоутерлик компанияси ва ESPN телеканали билан келишувга эришишди. Шартномага кўра Фьюри АҚШда камида иккита жанг ўтказади.

Шартнома 80 млн фунт стерлинг, тахминан 100 млн долларга тузилди. Ҳозирда Фьюрининг жамоаси WBC йўналиши чемпиони Деонтей Уайлдер билан иккинчи жангни ўтказиш юзасидан музокара олиб боряпти. Боксчиларнинг илк жангида дуранг натижа қайд этилганди.