10 июн 08:51
Янгиликлар

Бокс/ММА

Тайсон Фьюри 2,5 йиллик танаффусдан сўнг ўзидан 30 кг енгил рақиб билан жанг қилди

Профессионал бокснинг супероғир вазн тоифасида собиқ жаҳон чемпиони Тайсон Фьюри 2,5 йиллик танаффусдан сўнг яна рингга кўтарилди.

Ушбу жангда британиялик боксчи фаолиятидаги энг оғир вазнда рингга чиқди. Фьюри 125,4 кг, унинг рақиби албаниялик Сефер Сефери эса 95,3 кг вазн ҳолатида ўзаро жанг ўтказишди. Бу Фьюрининг Владимир Кличкога қарши ўтказган жангидаги вазнидан 13 килограммга кўп демакдир.

Жанг тўртинчи раунддан сўнг якунланди. Рингда яққол устунликни сезган Сеферининг жамоаси жангни давом эттиришдан фойда йўқлигини тушуниб етишди ва баҳсни тўхтатишди. Сефер фаолиятидаги асосий жангларини биринчи оғир вазн тоифасида ўтказган.