Тайсон Фьюри: “Охирги жангимга 1000 кун бўлди, Сефери мени нокаут қилиши мумкин”

Британиялик боксчи 9 июнь куни албаниялик Сефер Сеферига қарши рингга кўтарилади. Фьюри бўлажак жанг ҳақида фикр билдирар экан, рақибининг имкониятларини яхшироқ баҳолади. 

“Сефери - яхши боксчи ва шу боисдан унга ҳурмат билан қараяпман. Рақиб имкониятини яхши баҳоламаслик яхши оқибатларга олиб келмайди. Жангларининг 21тасида рақибларини нокаутга учратган экан, демак у ҳақиқий панчер. 

Ўша нокаутлар сериясини менга қарши кечадиган жангда ҳам давом эттириши мумкин. Бунинг учун унинг зарбалари менинг бош қисмимга етиб келиши керак. Вазифам бунга имконият бермаслик бўлади. Мен кучсизроқ рақибни танлаб, биринчи ёки иккинчи раундда ғалаба қозонишим мумкин эди. Лекин 1000 кундан бери жанг ўтказмаганим учун кучлироқ рақибни танладим”, - деди Фьюри.