Тайсон Фьюри: “Уайлдерни текинга нокаут қилардим”

Собиқ жаҳон чемпиони ҳисобланган Тайсон Фьюри деярли уч йиллик танаффусдан сўнг катта боксга қайтган ва албаниялик кучсиз рақибини ортиқча қийинчиликсиз мағлубиятга учратган эди. Ҳозирда у италиялик Франческо Пьянетага қарши кечадиган жангига тайёгарлик кўрмоқда.

“Биласизми, мен Манчестерда ўз жангларим учун 20 000 чипта сотиб, кучсиз рақибни мағлуб этиб юраверишим мумкин. Лекин бу нарсани ўзимга эп кўрмайман. Қобиғдан чиқиш фурсати етди. Ўзимни Жеймс Бонддек хис қилишни яхши кўраман. 

Аввал ҳам бу йўлдан борганман у менга омад келтирган. Германияда 50 000 мухлис кўз ўнгида Кличкони мағлуб этиб, унинг чемпионлик камарларини Англияга олиб кетгандим. Худди шу ҳолатни Уайлдер билан жангда ҳам такрорлай оламан. Деонтейни текинга нокаут қилган бўлардим. Мен сизларга Жошуа эмасман. Деонтей Энтонини жангга чорлаб, рад жавобини олганди.”, - деди мақтанчоқ Фьюри.