31 май 14:10
Янгиликлар

Бокс/ММА

Тайсонга энди Диллиан Уайт билан жанг қизиқ эмас

Супероғир вазн тоифасида собиқ жаҳон чемпиони Тайсон Фьюри америкалик журналистлар билан учрашувда бир нечта саволларга жавоб берди.

Британиялик енгилмас боксчининг айтишича, энди унга ҳамюрти Диллиан Уайтга қарши WBC чемпионлик камари учун кечадиган саралаш жанги қизиқ эмас.

"Бу жанг энди менга қизиқ эмас. Мен тўғридан-тўғри чемпионлик камари учун рингга чиқаман. Диллиан Уайт - "қоп", мен уни нокаутга учратаман. Ҳозир биринчи галда Том Шварцни мағлуб этишим керак. Кейин қолган чемпионларга навбат келади", - деди Фьюри.

Эслатиб ўтамиз, Тайсон Фьюри 15 июнь куни АҚШнинг Невада штати Лас-Вегас шаҳрида ўзининг ESPN телеканали билан имзолаган шартномасига кўра илк жангини Том Шварцга қарши ўтказади.