18 авг 12:10
Янгиликлар
Теннис
Темур Исмоилов Минскда мағлубиятга учради
Беларусь пойтахти Минск шаҳрида теннис бўйича соврин жамғармаси 10 минг АҚШ долларидан иборат бўлган турнирнинг асосий тўр баҳслари давом этмоқда.
“Фьючерс” туркумига кирувчи ушбу мусобақада икки ҳамюртимиз ҳам ўз имкониятини синовдан ўтказаётгани ҳақида хабар берган эдик. Турнирда еттинчи рақам остида таснифланган Санжар Файзиев илк даврада исроиллик Алон Эллиани икки сетда ҳам бир хил 6:3 ҳисобида мағлуб этганди.
Афсуски, иккинчи вакилимиз мағлубият аламини тотиб кўрди. Турнирда тўртинчи рақам остида таснифланган Темур Исмоилов биринчи босқичда украиналик Марат Девьятяровга 6:3, 5:7, 3:6 ҳисобида ютқазиб қўйди.
Ҳавола :
Манба : olamsport.com
Фикрлар