17 сен 11:54
Янгиликлар
"Темурланг" промоутери Жамшиднинг жангидан сўнг қандай фикрда?
Ўн раундлик ушбу жангда юртдошимиз рақиби устидан яққол ғалаба қозонган эди. У рақибини икки бор нокдаун ҳолатига туширган бўлса, ҳакам улардан фақат бирида ҳисобни очди. Аслида, иккинчи вазиятда ҳам нокдаун қайд этилиши керак эди.
Қолаверса, боксчимиз бутун жанг давомида Постолга нисбатан кўп ва аниқ зарбалар йўллаган эди. Афсуски, мезбонлик фактори барибир роль ўйнади. Жангдан кейин боксчимиз промоутери “Темурланг” клуби раҳбари Хусрав Насруллаев билан боғланиб, жангдан кейинги фикрларига қулоқ тутдик.
"Жанг ўта муросасиз кечди. Жамшидни ғалаба қозонганини бутун Украина халқи кўрди ва эътироф этди. Жангдан сўнг мухлислар “янги Пакьяо”, “янги чемпион” дея олқишладилар. Қолаверса, ушбу бокс кечасини ташкил қилган промоутерлар ҳам келиб, ҳакамлик учун узр сўрашди. Ўйлайманки, ушбу ҳолат келажакдаги улкан натижалар учун сабаб бўлади", - деди у.
Фикрлар