09 апр 08:10
Янгиликлар

Бокс/ММА

Терри Фланаган чемпионлик камарини ҳимоя қилди

Англиянинг Манчестер шаҳрида навбатдаги профессионал бокс кечаси бўлиб ўтди.

Оқшомнинг марказий жангида енгил вазн тоифасида WBO йўналиши чемпиони британиялик 27 ёшли Терри Фланаган россиялик 34 ёшли даъвогар боксчи Петр Петровга қарши рингга кўтарилди.

Ўн икки раундлик жанг якунида ғолиб номи очколар ҳисобига кўра аниқланди. Унда амалдаги жаҳон чемпиони 116-112, 118-110, 120-108 ҳисобида ғалаба қозониб, камарини ўзида сақлаб қолди.