Тоҳиржонова жаҳон чемпионатининг 3-давра 2-партиясида ютқазди, бугун тай-брек

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Ушбу жаҳон чемпионатида юртимиз шарафини ягона вакиламиз, аёллар ўртасида халқаро гроссмейстер Гулруҳбегим Тоҳиржонова ҳимоя қиляпти. 

Гулруҳбегим биринчи ва иккинчи даврада ғалаба нашидасини сурганди. Истеъдодли шахматчимиз 1/8 финал босқичининг илк партиясида ҳам ғалабага эришган эди. У россиялик халқаро гроссмейстер Валентина Гунинани оқ доналарда мағлуб этди. Лекин кеча ўтказилган иккинчи партияда қора доналарда ҳаракат қилган Гулруҳбегим мағлубиятга учради. Бугун ҳал қилувчи тай-брек ўйналади.