Тож учун даъвогарлар кураши. 5-турда муросаю мадора

28 март кунига қадар давом этадиган мусобақа ғолиби шу йилнинг ноябрида Лондон шаҳрида ўтказиладиган суперматчда амалдаги жаҳон чемпиони норвегиялик Магнус Карлсенга қарши дона суриш имкониятини қўлга киритади. 

Ушбу ягона йўлланма учун озарбайжонлик Шахрияр Мамадияров, арманистонлик Левон Аронян, америкаликлар Фабиано Каруана ва Уэсли Со, хитойлик Дин Лижэнь ҳамда уч нафар россиялик гроссмейстерлар Александр Гришук, Сергей Карякин ва Владимир Крамник баҳс олиб боряпти.

Пешқадам Каруана кеча ўтказилган 5-турда оқ доналарда ҳаракат қилиб, россиялик Сергей Карякин билан дуранг ўйнади. Бу билан у ўз очколарини 3,5тага етказиб, карвонбошиликни давом эттиряпти. Қолган барча партияларда ҳам томонлар муросага келишган. 

5-тур натижалари. Каруана – Карякин, Дин Лижэнь – Мамадияров, Со – Крамник, Аронян – Грищук дуранг.

5-турдан кейинги ҳолат. 1. Каруана – 3,5; 2-3. Мамадияров, Крамник – 3; 4-6. Аронян, Гришук, Дин Лижэнь – 2,5; 7-8. Карякин, Со – 1,5.

6-тур жуфтликлари. Каруана – Гришук, Мамадияров – Крамник, Дин Лижэнь – Карякин, Со – Аронян.