Тож учун даъвогарлар кураши. Каруана ҳамон пешқадам

28 март кунига қадар давом этадиган мусобақа ғолиби шу йилнинг ноябрида Лондон шаҳрида ўтказиладиган суперматчда амалдаги жаҳон чемпиони норвегиялик Магнус Карлсенга қарши дона суриш имкониятини қўлга киритади. 

Ушбу ягона йўлланма учун озарбайжонлик Шахрияр Мамадияров, арманистонлик Левон Аронян, америкаликлар Фабиано Каруана ва Уэсли Со, хитойлик Дин Лижэнь ҳамда уч нафар россиялик гроссмейстерлар Александр Гришук, Сергей Карякин ва Владимир Крамник баҳс олиб боряпти.

Пешқадам Каруана кеча ўтказилган 9-турда оқ доналарда ҳаракат қилишига қарамай, Лижэнни мағлуб эта олмади. Бундан Мамадияров фойдаланиб қолиши мумкин эди. Лекин озар шахматчиси ҳам Аронян билан дуранг ўйнади.

9-тур натиажалари: Карякин – Крамник 1-0, Каруана – Дин Лижэнь, Аронян – Мамадияров ҳамда Со – Гришук партияларида дуранг қайд этилди

9-турдан кейинги ҳолат: 1. Каруана – 6; 2. Мамадияров – 5,5; 3. Гришук – 5; 4-5. Карякин, Дин Лижэнь – 4,5; 6-8. Крамник, Аронян, Со – 3,5.

10-тур жуфтликлари: Мамадияров – Каруана, Гришук – Карякин, Дин Лижэнь – Со, Крамник – Аронян.