17 июл 09:15
Янгиликлар
Теннис
Томаш Бердих ҳам Зика вируси сабаб Олимпиадага бормайди
Сайёрамизнинг саккизинчи ракеткаси чехиялик Томаш Бердих ҳам Рио Олимпиадасида иштирок этмасликка қарор қилди.
Бунга Бразилияда кенг тарқалган Зика вируси сабаб бўлмоқда. Томаш ўзининг Facebook ижтимоий тармоғидаги саҳифасида мухлислардан узр сўраган.
“Бу қарорга келиш мен учун осон бўлгани йўқ. Афсуски, шундай қилишга мажбурман. Олимпиада-2016 иштирок этиш масаласини узоқ ўйладим. Якунда Зика вируси сабаб Бразилияга бормасликни лозим топдим”, - деди Бердих.
Эслатиб ўтамиз, аввалроқ теннисчилардан руминиялик Симона Халеп, украиналик Александр Долгополов, машҳур баскетболчилардан Рассел Уэстбрук ва Стефен Каррилар ҳам Зика вируси сабаб Олимпиадада қатнашмасликни лозим топишган эди.
Ҳавола :
Фикрлар