23 июн 15:46
Янгиликлар

Теннис

Томми Пол Queen's Club финалида

Дунёнинг 13-ракеткаси Томми Пол cinch Championships турнирининг финал иштирокчисига айланди.

Америкалик теннисчи 1/2 финалда ATP рейтингида 23-поғонада бораётган ҳамюрти Себастьян Кордани мағлубиятга учратди - 6/4, 7/6(1). Ватандошларнинг ўзаро учрашувларида ҳамон Корда олдинда бормоқда - 4:2.

Бир соату 39 дақиқа давом этган баҳсда Пол 5, Корда 3 та эйс зарбани амалга оширган. Иккала теннисчи ҳам қўшхатога йўл қўймади. Брейклар бўйича устунлик ғолиб теннисчи томонда бўлди. Энди Томми Queen's Club бош соврини учун италиялик Лоренцо Музеттига қарши кортга чиқади.