22 июн 13:10
Янгиликлар

Теннис

Топ-20`га кирган етти теннисчи Олимпиадага боришдан бош тортди

Токио Олимпиадасида қатнашмасликни афзал кўраётган етакчи теннисчилар сафи кенгайиб бормоқда.

Бугунга келиб Топ-20`таликдан жой олган етти нафар теннисчи Кунчиыар юртга бормасликни лозим топди. Дунё рейтингида 20-ўринни эгаллаб турган чилилик Кристиан Гарин Топ-20`таликдаги еттинчи теннисчи бўлди. Токио Олимпиадасининг теннис баҳслари 24 июлдан 1 августга қадар бўлиб ўтади.

Аввалроқ, Рафаэль Надаль (дунёнинг учинчи ракеткаси), Доминик Тим (5), Роберто Баутиста-Агут (10), Денис Шаповалов (14), Каспер Рууд (14) ва Гаэль Монфис (16) ҳам Олимпиадада қатнашишдан бош тортган эди.