“Тошкент ёзи-2016” бошланди

Йилдан йилга нуфузи ошиб бораётган мусобақа икки гуруҳда ўтказиляпти. А гуруҳида халқаро рейтингга эга бўлган 50 нафар истеъдодли спортчилар дона сурмоқда. Иштирокчилар орасида турли мусобақаларда юқори натижаларга эга бўлган тажрибали ва ёш спортчилар Мақсад Сапаев, Иномжон Шоймуродов, Ҳалим Тўраев, Умида Чоршанбиева, Райхона Дониёрова, Светлана Чайкина кабилар бор.

Б гуруҳида эса 14 ёшгача бўлган 150 га яқин ўсмир-қизлар ўзаро бахс олиб бормоқдалар. Янги янги истеъдодларни кашф этаётган турнирда бу йил ҳам Тошкент шаҳри ва деярли барча вилоятлардан қадимий ўйинга меҳр қўйганлар ғолиблик учун дона сурмоқда. Пойтахтимизда ташкил этилган турнир 9 турдан иборат бўлиб, рейтинг очкоси бериши билан ҳам аҳамиятлидир.